Dear Poetry Lover,,,,, Here you will find a large collection of Sad Poetry, Urdu Poetry, Love Poetry, Sad poetry ... Poetry for Friends & many more.
Showing posts with label Urdu Ghazal's. Show all posts
Showing posts with label Urdu Ghazal's. Show all posts
9/25/2013
9/16/2013
vo bulaayen to kyaa tamaashaa ho
 |
vo bulaayen to kyaa tamaashaa ho ham na jaayen to kyaa tamaashaa ho ye kinaaron se khelane vaale Duub jaayen to kyaa tamaashaa ho bandaa_parvar jo ham pe guzarii hai ham bataayen to kyaa tamaashaa ho aaj ham bhii terii vafaaon par muskuraayen to kyaa tamaashaa ho terii suurat jo ittefaaq se ham bhuul jaayen to kyaa tamaashaa ho vaqt kii chand sa’aten ’Sagar’ lauT aayen to kyaa tamaashaa ho |
ek vaadaa hai kisii kaa jo vafaa hotaa nahiin
 |
ek vaadaa hai kisii kaa jo vafaa hotaa nahiin marmarii taaron bharii raaton meIn kyaa hotaa nahiin jii meIn aataa hai ulaT dein un ke chehare se naqaab hausalaa karate hain lekin hausalaa hotaa nahiin shamaa jis kii aabaruu par jaan de de jhuum kar vo patangaa jal to jaataa hai fanaa hotaa nahiin ♥-------------♥ |
Haalaat k garmi se pighal jaayain ge janaan
 |
Haalaat k garmi se pighal jaayain ge janaan Auron ki tarah ham bh badal jaayain ge janaan Dikhlayain ge seena na kabh ahal-e-jahaan ko Aik aatish-e-gum-naam main jal jaayain ge janaan Ham taaj mohabbat kaa sajaaye huay sar per Us shahar-e-malaamat se nikal jaayain ge janaan Aik rang-e-wafaa dekh ke khil jaaye gaa chahera Aik azn-e-tabasum se bahal jaayain ge janaan Taqdeer kaa shikwaa na zamane se karain ge Tasvr se chup chaap nikal jaayain ge janaan. ♥---------------♥ |
*Meri Zindagi ki kitaab wo*
 |
*Meri Zindagi ki kitaab wo* Meri zindagi ki kitaab wo Mere har sawal ka jawab wo Men usse parhoon tamaam umar Meri hayat ka nisaab wo Meri har dua uss ke liay Meri ibadaaton ka sawaab wo Men saara din ussi men magan Meri har raat ka khawaab wo Likhoon aur kya men uss ki zaat per Meri zindagi ka rubaab wo. --------- |
Subscribe to:
Comments (Atom)